Маңғыстау облысында биылғы жылдың 6 айында 273,113 мың шаршы метр тұрғын үй пайдалануға берілді
«2015 жылы 500 мың шаршы метр тұрғын үй салу жоспарлануда, оның ішінде 1 080 шаршы метрі Маңғыстау ауданында жалға берілетін үйлер, ал 66 992 шаршы метрі Ақтау қаласында несиеге берілетін үйлер. 32 а шағын ауданында 5 580 шарты метр 120 пәтерге есептелген 2 түрғын үй жас отбасылар үшін пайдаланылуға беріледі. Сонымен қатар, 426 348 шаршы метр коммерциялық және жеке тұрғын үйлер пайдаланылуға беріледі», - деп хабарлады Маңғыстау облысы құрылыс басқармасының бастығы Орақ Аяпов.
Оның айтуынша, ағымдағы жылы әлеуметтік нысандардың құрылысына 9 млрд 571 млн теңге бөлінді. 2014 жылы басталған құрылыс жұмыстарын аяқтау үшін 7 млрд 144 млн теңге бағытталды.
«2014 жылы 6 орта мектеп пен 15 мектепке дейінгі мекеменің құрылысына 5 млрд 850 млн теңге бөлінген болатын. Өткен жылдың қорытындысы бойынша қомақты қаржы түгелімен игеріліп, 2 360 орынға есептелген 3 жалпы білім беру нысаны мен 780 орынға есептелген 4 балабақша пайдаланылуға берілді. Ағымдағы жылы 2 448 орында есептелген 3 орта мектеп пен 2 750 орынға есептелген 13 мектепке дейінгі білім беру мекемесін пайдаланылуға беру көзделіп отыр», - деді О. Аяпов.
