• Басты
  • ШҚО-да өтетін бильярдтан ашық чемпионатқа 15 елден келген спортшы қатысады
15 Шілде, 2015 20:34

ШҚО-да өтетін бильярдтан ашық чемпионатқа 15 елден келген спортшы қатысады

21-25 шілде аралығында Өскемен қаласында «Еркін пирамидадан» ерлер арасында бильярдтан Азия ашық чемпионаты өтеді. Аталған жарыстың жүлде қоры 5 580 000 теңгені құрап отыр, деп хабарлады ШҚО ақпараттық орталығы.
ШҚО-да өтетін бильярдтан ашық чемпионатқа 15 елден келген спортшы қатысады

Байрақты бәсекеге ат салысудға Ресей, Украина, Молдова, Латвия, Литва сынды бірқатар елдерден үміткерлер келмек. Облыстық Жекпе-жек сарайында өтетін жарыста халықаралық дәрежедегі төреші Черванев Юрий жетекшілік етеді.

Жарысқа бильярд спортының конференциясы, ҚР Мәдениет және спорт министрлігі Спорт ісі жөніндегі комитет, ҚР Бильярд спортының федерациясы және ШҚО әкімдігі Дене шынықтыру және спорт басқармасы қолдау көрсетіп отыр.

Чемпионат ресми түрде 22 шілде күні ашылып, олимпиадалық жүйе бойынша өтпек. Яғни жеңілген ойыншы шығып отырады.

Сайыста бірінші орын жүлдесі 1 674 000 теңге болса, екінші және үшінші орындар сәйкесінше 930 000 және 558 000 теңге құрап отыр.

 

Барлық жаңалықтар