ҚР Ұлттық банк айырбастау бағамының дәлізін долларына 198 теңгеге кеңейтті
«Ортамерзімді перспективада инфляциялық таргеттеуге өту шеңберінде барынша икемді әрі қалыпты бағам белгілеу саясатын жалғастыру мақсатында және теңгенің АҚШ долларына қатысты айырбастау бағамының іс жүзінде валюталық дәліздің жоғарғы шегіне жету фактісін назарға ала отырып, Қазақстан Республикасының Ұлттық Банкі теңгенің АҚШ долларына қатысты айырбастау бағамының ауытқу дәлізін ағымдағы 185+3/-15 теңгеден 185+13/-15 теңгеге дейін кеңейту туралы шешім қабылдады», - деді Қ.Келімбетов.
Ұлттық Банк 2015 жылғы бірінші жартыжылдықта жүзеге асырған және одан әрі де жүзеге асыруға ниетті неғұрлым икемді әрі қалыпты бағам белгілеу саясаты экономикадағы доллар бағамының өзгеруін күтулердің жинақталу тәуекелін айтарлықтай төмендетуге мүмкіндік береді.
«Ұлттық Банк айырбастау бағамының еркін өзгермелі режіміне 2017 жылдан ерте емес көшуді жоспарлап отыр. Ұлттық Банк қаржылық тұрақтылықты қамтамасыз ету және айырбастау бағамының күрт ауытқуын және қысқамерзімді құбылмалылығын реттеу үшін жүзеге асырылатын валюталық интервенцияларды жүргізу жолымен ішкі валюта нарығына қатысуды жалғастыратын болады», - деді ол.
Айта кетейік, валюталық дәлізді Ұлттық Банк жүзеге асырып жатқан барынша икемді әрі қалыпты бағам белгілеу саясатының шеңберінде кеңейту ұлттық экономиканың сыртқы бәсекеге қабілеттілігін одан әрі арттыру және кредиттік белсенділігін ұлғайту үшін алғышарттар жасайды, бұл, өз кезегінде, экономикалық өсудің жақсаруына және елде еңбекпен қамтудың жақсаруына жәрдемдесетін болады.
Анар Тәңірқұлова
