Бас прокуратура балаларға зорлық көрсетуді төмендету үшін 4 бағытты ұсынды
«Біз осыдан екі апта бұрын Елбасының тапсырмасымен Бас прокуратураның құқықорғау органдарының дәстүрлі кеңесін өткіздік. Онда кәмелетке толмағандарға қатысты зорлық-зомбылық қылмыстық құқық бұзушылықтарға себеп болатын проблемалар талқыланып, осы ретте бірінші кезекте қандай шаралар қабылдау керектігі айтылды», – деді А. Кравченко.
ҚР Бас прокурорының орынбасарының айтуынша, олар осы мақсатта негізгі 4 бағытты таңдады.
«Біріншіден, осындай қылмысқа барғандардың жазасын қатайту, екіншіден оларды жазасын өткегеннен кейін қатаң бақылауға алу, балалар порнографиясын насихаттайтын ақпараттардан ғаламтор кеңістігінің қауіпсіздігін қорғау, төртіншіден осы меселені шекарада реттеу керек», – деп атап өтті ол.
А. Кравченко атап өткендей, аталмыш шаралар қоғам қолдау көрсеткенде лайықты нәтиже беретін болады.
Анар Тәңірқұлова
