Ақмола облысында қысқа дайындық қарқынды жүріп жатыр

15 Шілде, 2015 17:24

Шортанды ауданының тұрғындарын 2015-2016 жылдар аралығында сумен қамтамасыз ету және су бөлу сияқты өзге де тұтынушылық қажеттіліктерді қамтамасыз ету мақсатында «Шортанды су» шаруышылық жүргізу құқығындағы мемлекеттік кәсіпорны өмір сүруді қамтамасыз етуге бағытталған нысандардың үздіксіз жұмыс істеуі үшін бірқатар шараларды жүзеге асыруда, деп хабарлайды Ақмола облыстық ішкі саясат басқармасы жанындағы «Ақмола Медиа Орталығы».

Хабарламадан Шортанды ауылында осы уақыттың өзінде арнайы ұңғымалар қазылып, тірек арматурасына ревизия жүргізілгендігі мәлім болды. Сондай-ақ бірінші деңгейдегі көтерілу стансасын жылыландыру үшін қажетті материалдар да сатып алынған. Резервтегі скважинаны тұщы сумен қамтамасыз ету жұмыстары аяқталды. Енді Төңкеріс ауылындағы су тартатын мұнараны дайындау бойынша жұмыстар жүргізілуде.

Бозайғыр ауылындағы тереңдіктегі насосты ауыстыру жұмыстары жүргізілді. Бұрынғыға қарағанды, қуаты мықты насос орнату арқылы Бозайғыр ауылына су жеткізу мәселесін шешудің жолы табылды. Мықтыкөл ауылында бірінші көтерілу стансасындағы қорғаныс құрылғысы мен сымдар ауыстырылып, профилактикалық жұмыстар жүргізілді. Тағы бір ауылда электрқұрылғы ауыстырылып, Ақ өзендегі скважинаға жаңа насос орнатылды. Шортанды ауылындағы екінші деңгейдегі көтерілу насосын жөндеуге де қажетті материалдар жеткізілді.

Ауыз суды барыншы тиімді пайдалану мақсатында су таратылатын желілерден суды заңсыз пайдаланушыларды анықтау мақсатында рейдтер ұйымдастырылуда.