«Әскери пост» байқауы интернет желісіндегі журналистер үшін жаңа мүмкіндіктер ашады

Ұйымдастырушы комитетке Қазақстанның түрлі өңірлерінен Интернетте әскери тақырыпта жарияланған посттар бойынша блогерлерден барлығы 30 өтініш келіп түсті. Интернет желілеріндегі журналистер мен блогерлер толымды басылымдармен қатар, Қарулы Күштеріндегі оң өзгерістер, армия қызметі және жауынгерлік дәстүрлер, қазіргі әскери қызметшілердің ерлігі мен батырлық үлгісі туралы қоғамды кеңінен ақпараттандырып келеді.

Интернеттегі әскери тақырыптағы үздік жарияланым бойынша блогерлер арасындағы байқау Қазақстан Республикасы Қарулы Күштерінің оң имиджін нығайтуға үлес қосып жүрген әскери сарапшыларды, медиа-мамандық, қоғам өкілдерін, желідегі журналистер мен блогерлерді ынтыландыруға бағытталды. Естеріңізге сала кетсек, байқауға ҚР азаматтары, тәуелсіз журналистер, блогерлер, интернет-платформалардағы танымал блогтардың жетекшілері қатыса алады.

Аталған іс-шараға қатысу үшін 2015 жылдың 1 қаңтары мен 20 қыркүйегіне дейінгі аралықта әлеуметтік желілерде және блогтарда жарияланған, Қарулы Күштердің дамуына арналған Интернет-жарияланымдарды (мақалалар, эсселер, сұхбаттар, суреттемелер және т.б.) ұсыну қажет. Жеңімпаздар төмендегі номинациялар бойынша марапатталады. Атап айтқанда, «Мірдің оғы» аталымы – әскери тақырыптынасихаттауға қосқан үлесі үшін, «Ұтқыр шабуыл» – үздік сараптамалық постқа арналған аталым, «Суреткер сарбаз» – үздік фоторепортажға арналған аталым. Әр номинация бойынша бір жеңімпаз анықталады. Байқау мемлекеттік және орыс тілдерінде жүргізіледі.