Павлодар облысында Жас судьялар кеңесі құрылды

15 Шілде, 2015 10:23

Павлодар облысында Жас судьялар кеңесі құрылды, деп хабарлайды ҚР Жоғарғы сотының баспасөз қызметі.

Өңірлік оқу орталығының үйлестірушісі, облыстық сот судьясы Гүлнәр Жаппарованың сөзінше, қазіргі таңда Павлодар облысында жұмыс өтілі 3 жылға дейінгі судьялар саны көбейді. Бүгінде олардың саны бірінші деңгейдегі жалпы судьялардың 42,2 пайызын құрайды. Бұл Мемлекет басшысының республиканың VI судьялар съезінде қолдаған мемлекеттік құқықтық саясат пен сот реформасына байланысты қалыптасып отырған жағдай.

Хабарламадан мәлім болғанындай, судьялардың үздіксіз білім алулары және олардың кәсіби деңгейлерінің өсіп отыруы үшін Жас судьялар кеңесі құрылды.

«Жас судьялар кеңесін құрудағы мақсат соттардың қызметтерінің бүкіләлемлдік стандарттарға сәйкестігі мен азаматтардың құқықтарын қорғауда заңдардың сапалы орындалуын қамтамасыз ету болып табылады. Осыған байланысты, алғашқы кезеңде жас судьялардың жұмыстарына, судья этикасын қалыптастыруға, сот қызметінің сапасын арттыруға көп көңіл бөлу қажет.

Сайланған судьялар іс тәжірибесі 3 жылдан аз судьялардың қызметіне бастамашыл үйлестіруші болады.