А. Мұхамедиұлы: ЭКСПО-2017 көрмесі Астананың мәдени инфрақұрылымдарының дамуына жаңа серпін береді
15 Шілде, 2015 12:07
ҚР Мәдениет және спорт министрлігінде ЭКСПО-2017 халықаралық көрмесіне дайындық жұмыстары, білім беру мен мәдениет, өнер, спорт және дене шынықтыру салаларындағы жоғары білікті кәсіби мамандарды даярлау мәселелері талқыланды, деп хабарлады ведомствоның баспасөз қызметі.
Министр Арыстанбек Мұхамедиұлы атап өткендей, Мәдениет және спорт министрлігі ұлттық біркелкілік пен қазақстандық бірлікті нығайту бойынша реформаны негізгі жүзеге асырушылардың бірі болып табылады. Осы ретте ведомсвто ауқымды жобаларды дайындап, бекітті және жүзеге асыруда.
Атап айтқанда, Ұлт жоспарының 86 қадамына сәйкес аймақтық мәдени –туристік кластерлерді жасақтауға басымдылық берілетін болады. Осындай кластерлердің қатарында «Астана – еуразия жүрегі», «Алматы – Қазақстанның еркін мәдени аймағы», «Табиғат пен көшпенділер мәдениетінің бірлігі», «Алтай маржаны», сонымен қатар «Ұлы Жібек жолының жандануы» мен «Каспий қақпалары» жобалары бар.
