ШҚО ТЖД мамандары балалаларды жас жауынгерлік курсынан өткізуде (ФОТО)

15 Шілде, 2015 08:34

Бірнеше маусым бойы кинологиялық қызметтің, құтқару бөлімшелерінің өкілдері, өрт сөндіруші жауынгерлер мен сүңгуірлер облыстың түрлі лагерлеріне баратын болады. Бұл аралықта ШҚО ТЖД мамандары балалаларды жас жауынгерлік курсынан өткізеді, деп хабарлады Шығыс Қазақстан облысы ТЖД баспасөз қызметі.

Аталып өткендей, ШҚО ТЖД мамандары 1000 жуық балалаларды жас жауынгерлік курсынан өткізді. Бүгін сондай тәжірбелік курстың бірі Матросов атындағы лагерде жүргізілді.

«6-14 жасар балаларға біз зардап шеккен адамға қалай алғашқы медициналық көмек көрсетуді айтып беруді ұйғардық. Балаларға қызықты болуы үшін, шындыққа ұқсас жарақаттардың муляждарын ұсындық, олар аяқ-қолдарға оңай жабысып қалады», - деді ШҚО ТЖД мемлекеттік тіл және ақпарат тобының бас маманы Наталья Глушакова.

Бұдан басқа екі команданың қатысушылары арнайы құрал-жабдықтармен нағыз құтқарушының рөлінде ойнап көрді. Олар Александров шеңберін лақтырды, шаңғымен жұқа мұз үстінде жүрді, сондай-ақ өрт сөндіргіш жеңдері арқылы нысанды көздеді. Балаларға кинологиялық кезең қызықты болды. Оларға иттердің тапсырмаларды орындағандары қызықты болды.

«Біздің иттер өте мейірімді және ақылды. Олар ешқашан ешкімді қаппайды және ренжітпейді, өйткені олар адамдарды құтқарады», - деп әңгімеледі ШҚО ТЖД кинологиялық қызметтің маманы Наталья Черных.

Қорытындылай келе, балалар осы ойындар арқылы өрт қауіпсіздік ережелерін сақтаудың маңызды екенін түсінді, алғашқы медициналық көмек көрсетуді үйренді, қыс мерзімінде аса сақ болуды, қар көшкіні түсу қаупі бар жерлерге бармау керектігін білді. Әрбір қатысушы жеке сыйлықтармен және алғыс хаттармен марапатталды.

Барлық жаңалықтар