• Басты
  • ҚазККА құрылыс отряды өндірістік тәжірибеден Шалқар-Бейнеу темір жол желісінде өтті
14 Шілде, 2015 18:59

ҚазККА құрылыс отряды өндірістік тәжірибеден Шалқар-Бейнеу темір жол желісінде өтті

ҚазККА құрылыс отряды өндірістік тәжірибеден Шалқар-Бейнеу темір жол желісінде өтті

Қазақ көлік және коммуникация академиясының құрылыс отряды өндірістік тәжірибені «Шалқар-Бейнеу» темір жол желісінде өткізді, деп хабарлайды «ҚТЖ» ҰК» АҚ-ның баспасөз қызметі. 

Хабарламада 26 студенттің тәжірибеден 7-маусым мен 12-шілде аралығында өткендігі айтылған. Олар жол саласы қызметкерлерімен қоян-қолтық араласа отырып, жұмыс істеу арқылы көп нәрсені үйренді. Олардың міндеттері құрылыс нысандарындағы жөндеу және аяқталуға таяу қалған жұмыстарды атқару болатын, сонымен қатар, олар Сарыжиде, Аққайтым мен Шалқар станса бағыттары мен жол жиектерін көшпелі құмнан тазарту жұмыстарымен айналысты.  

«Олардың алдына нақты міндеттер қойылды және олар ол міндеттерді талапқа сай атқарды, бұл шын мәніндегі командалық жұмыс болды. Тәжірибеден өту барысында жастар тұрғылықты өмір сүру шарттары, тамақтану, медициналық қызмет көрсету сияқты барлық қажеттіліктермен қамтамасыз етілді, ал жұмыс соңынан жалақыларын да алды»,-деді  «Темір жол жөндеу» ЖШС филиалының директоры Сәкен Рахметов. 

   

Барлық жаңалықтар