Степногорск мойынтірек зауыты аталмыш бөлшектің 200-ден астам түрлерін шығармақ (ФОТО)
Естеріңізге сала кетейік, Степногорск мойынтірек зауыты биылғы жылдың мамыр айынан бері «Еуропалық «Степногорск» мойынтірек зауыты» АҚ-ы болып құрылған. Бұрындары аталмыш кәсіпорын жолаушылар және жүк вагондарына, тепловоздар мен электровоздарға қажетті мойынтіректер шығаратын болған. Дайын өнім Қазақстан мен Ресей нарықтарында саудаланатын. Соңғы бірнеше жыл көлемінде машинаның аталмыш бөлшегіне деген сұраныс төмендеді. Осыған қарай, яғни 2012 жылдан бастап,кәсіпорында бар қуатына қосу туралы шешім қабылданды.
Осылайша, «ЕПК-Мәскеу» ААҚ-ның мойынтірек өндірісі номенклатурасын ауыстыру» инвестициялық жобасы «СМЗ» АҚ болып, Ақмола облысының индустрияландыру картасына енгізілді. Жобаның құны 496 млн теңге, онда 99 жаңа жұмыс орны ашылады.
Қазіргі таңда мойынтіректердің 90-нан астам түрлері игеріліп, келесі жылы бұл тізім тағы 80-ге толығады. Болашақта Степногорск қаласында мойынтіректердің 200-ден астам түрі шығарылады. Ал, әзірге Мәскеуде жабылып қалған зауыттан қажетті бөлшектерді тасымалдау жұмыстары жалғасуда. Осы уақытта елге ол жақтан 350 құрылғы жеткізілді.
Өңір басшысының айтуынша, зауыттың Қазақстанда және ТМД көлемінде алғанда бәсекелестері жоқ. «Бұл Степногорск зауыты жылына 35 тонна дайын өнім шығаратын КСРО кезіндегі көрсеткіштерге қол жеткізу деген сөз»,-деп қосты әкім Сергей Кулагин.
Айта кететін мәселе, қазір өндіріске 1 мың 900 адам жұмылдырылған, енді бұл меже тағы 2 мың адамға артады. Болашақта зауыттың қуатына АҚШ-тың мойынтірек шығаратын «Timken» зауыты мен «ЕПК Бренкен» зауыттарының қуатын қосу бойынша жұмыстар жүргізілуде.
