Ақмола облысында ерікті өрт сөндіру құрылымдары өз шеберліктерін көрсетті (ФОТО)

14 Шілде, 2015 19:39

Жақсы ауданындағы «Перекатненский элеватор» ЖШС Ақмола облысында ерікті өрт сөндіру құрылымдары арасындағы байқауда жеңіске жетті, деп хабарлады облыстық ІСБ жанындағы «Ақмола Медиа Орталығы».

Жарыс Бурабай ауданы ӨҚБ-25 базасында өтті. Біліктілік бағаланатын бәсекені Ақмола облысының Төтенше жағдайлар департаменті ұйымдастырды.

Шараның мақсаты Ақмола облысының елдімекендерінде ерікті өрт сөндіру құрылымдарын құруды насихаттау, мамандардың кәсіби біліктілігін арттыру және олардың дайындығын пысықтау.

Аталып өткендей, дүбірлі додада құрамында 90-нан астам қызметкер бар 13 команда бақ сынады.

Жарыс үш кезеңнен тұрды: әскери және өр сөндіру техникасын қарау, дабыл бойынша жиналу және оқиға орнына шығу, әскери қимыл.

Сонымен, бірінші орынды Жақсы ауданының «Перекатненский элеватор»ЖШС жеңіп алса, екінші орынды «Степняк қаласы әкімінің аппараты»ММ командасы иеленді, ал үшінші орынды Целиноград ауданының «Родина» агрофирмасы місе тұтты.

Ұйымдастырушылар атап өткендей, жүлделі орынды иеленген командалар өздерін жан-жақты көрсете білген.