ШҚО-да 20 млн доллардың ет өндіретін комбинаты ашылады
14 Шілде, 2015 16:39
ШҚО-да ет өндірісінде ирандық және қытайлық инвесторлармен бірлесе жұмыс істеп, ет өнімінің бірнеше түрі шығарылмақ, деп хабарлайды облыстың Ақпараттық орталығы.
Бүгінгі күні Қазақстан бойынша барлық асыл тұқымды малдардың 20%-ы Шығыс Қазақстанда өсіріледі. Соның ішінде, Семей қаласында салынатын кешен күніне 200 – 300 бас ірі қара етін өңдемек.
«Семей қаласына ирандық инвесторлармен келісіп, құны 20 млн доллар құрайтын агропортал құрылысы жоспарлануда. Комбинатта ірі қара етінен бір емес, бірнеше ет өнімінің түрін жасаған жағдайда, Қытай және Ресей елдері өнімдерді сатып алуға дайын екендіктерін айтуда», – деді Д. Селиханов.
Сонымен қатар, Аягөз қаласында салынып жатқан ет комбинаты қой етін өңдеп, ауыл шаруашылығы өндірісін жаңа қарқынға көтеруде айтулы үлес қоспақ.
