Ақмола облысы мал дәрігерлігінің қызметкерлеріне қызметтік көліктің кілті табысталды
21 Қазан, 2013 15:50
Ақмола облысы мал дәрігерлігі қызметкерлеріне 38 қызметтік көліктің кілті табысталды, деп хабарлайды облыс әкімдігінің баспасөз қызметі.
«Облыс әкімінің бірінші орынбасары Рашит Әкімов мемлекеттік мал дәрігерлігінің 19 кәсіпкерлігі өкілдеріне қызметтік көліктің кілтін табыстады», - делінген хабарламада.
«SsangYong» мен «УАЗ» маркалыц арнайы автокөліктері жолсызда еркін жүруге қабілетті. Сонымен қатар автокөліктер дезинфекциялау қондырғыларымен және мал дәрігерлік құралдармен жарақтандырылған.
Жалпы республикалық бюджеттен мал дәрігерлік кәсіпкерліктердің материалдық-техникалық қамтамасыз етілуіне жыл басынан бері 940 млн теңге бөлінген.Әр ауылда орналасқан 217 мал дәрігерлік пункттерге бұрынырақта «Нива» көліктері сатып алынған.
