• Басты
  • Қазақстандық 1000 әскери қызметші жаңа пәтерлердің иесі атанады
14 Шілде, 2015 17:42

Қазақстандық 1000 әскери қызметші жаңа пәтерлердің иесі атанады

Ағымдағы жылы жоспарланған тұрғын үй құрылысының бүгінгі күнге дейін 60% аяқталды. Қазіргі кезде барлық объектілерде ішкі жөндеу жұмыстары мен оған тиесілі аумақтарды абаттандыру жүргізіліп жатыр, деп хабарлады Қорғаныс министрлігі.
Қазақстандық 1000 әскери қызметші жаңа пәтерлердің иесі атанады

Жоспар бойынша жарты жылдан кейін ҚР ҚК 1000 әскери қызметшісі және олардың отбасы мүшелері жаңа пәтерлерге қоныстанбақ. Астана, Алматы қалаларында, Гвардейск әскери қалашығында, сондай-ақ Сарыөзек, Б. Момышұлы, Отар және Арнасай ауылдарында жаңа тұрғын үйлер тұрғызылуда.

Атап айтсақ, 1000 тұрғын үйдің жалпы аумағы 70 459, 7 шаршы метрді құрайды. Биылғы жылы барлығы 92 580 шаршы метрді құрайтын тұрғын үй алаңын тұрғызу, жөндеу және тапсыру жоспарланып отыр.

Оның аясында Астана, Алматы, Өскемен, Семей, Талдықорған, Қызылорда, Қарағанды, Тараз, Шымкент, Павлодар, Қостанай, Жаркент, Теміртау және Аягөз қалаларында,сондай-ақ Гвардейск, Сарыөзек, Б.Момышұлы, Отар, Арнасай және Ақмол ауылдарындағы 1 320 әскери қызметші қызмет өтеп жүрген орындарында сапалы жай-күймен қамтамасыз етіледі.  


 

 

Барлық жаңалықтар