Сенат Спикері парламенттік сессияны қорытындылады
14 Шілде, 2015 14:31
Парламенттік сессияның қорытынды кеңесінде Сенат Төрағасы Қасым-Жомарт Тоқаев парламентарилер қызметінің қорытындысын шығарды, деп хабарлады палатаның баспасөз қызметі.
Спикер атап өткендей, Парламенттің бесінші шақырылымының төртінші сессиясы кезеңінде ел қоғамдық-саяси оқиғалардың және ауқымды реформалардың куәгері атанды.
«Жалпыхалықтық сайлауда Қазақстан Н.Назарбаевтың ерен еңбегін әділ бағалап Елбасы бағытына жаппай қолдау көрсетті», - деді Қ. Тоқаев.
Елбасы «Нұрлы жол» экономикалық саясатына бастау берді, ол жаһандық сын-қатерлерге тиімді жауап болды.
