Астанада бірінші қазақстандық-германиялық энергетикалық форум өтуде

Аталмыш жиын аясында Қазақстандағы энергия тиімділігі саласы бойынша бірлескен шаралар мен желіні индустрияландыру мен жаңғырту стратегиясын одан әрі жоспарлау мәселелері талқыланбақ. Бұған қоса, «Өнеркәсіптегі энергиятиімділік», «желілік инфрақұрылым» сияқты тақырыптарда пленарлық мәжіліс пен панельді сессиялар және пікірталастар ұйымдастырылмақ. Ал Қазақстанда бизнесін дамытқылары келетін неміс кәсіпорындары энергия тиімділігі мен жаңғыртылатын энергия көздеріне байланысты жобаларды жүзеге асыру үшін қызығушылық танытатын әріптестер табу мақсатында B2B-жеке келіссөздерін жүргізіп, жаңа әріптестермен танысатын болады.   

Айта кетейік, аталмыш шараны Германияның Экономика және энергетика министрлігі мен Германияның энергетика агенттігінің қолдауымен бірлесе отырып, Германия экономикасының Орталық Азиядағы өкілдігі жүзеге асыруда. 

Форум жұмысына немістер мен қазақстандықтардың ресми өкілдері шақырылды, жалпы екі тараптан да барлығы 300 адам қатысады деп күтілуде.

Ботагөз Айтжанова