Петропавл қаласында Жеңіс саябағын дамыту жобасы мақұлданды

Жеңiс саябағында тыл еңбеккерлерiнiң аллеясы жасалады. Бұл жайында саябақтың даму жобасын ұсынған Петропавл қаласының әкiмi Марат Тасмағамбетов баяндады.

«Саябақтың аумағы 9 гектар. Бүгiнде осы ауданда 9 мыңнан аса бала тұрады. Саябаққа келушiлердiң қатары қалың. Сондықтан велосипедшiлерге арналған жолдар қарастыруды, спорт алаңқайын кеңейтудi ұсынамыз», — дедi Марат Иманбайұлы.

Ал жаңа аллеядағы пилондарға солтүстiкқазақстандық тыл еңбеккерлерiнiң есiмдерiн жазу жоспарланған. Сондай-ақ, жобаға субұрқақ, сахна, жаңа аттракциондар қою сияқты жұмыстар енгiзiлген.

Облыс әкiмi саябақты жаңарту барысында осы маңдағы салынатын жаңа ауданның жобасын да есепке алуды тапсырды.