ҚР-да 2013 жылдың қазан айы бойынша «Батыс Еуропа-Батыс Қытай» автодәлізінің 710 шақырымы қолданысқа енгізілді
21 Қазан, 2013 15:00
ҚР-да 2013 жылдың қазан айы бойынша «Батыс Еуропа-Батыс Қытай» автодәлізінің 710 шақырымы қолданысқа енгізілді. Бұл жайында бүгін Орталық Коммуникациялвр Қызметінің баспасөз отырысында Көлік және коммуникация министрі Асқар Жұмағұлов мәлімдеді.
«Автодәліздің құрылысы 2011 жылы басталып 215 шақырымы құйылған, ал 2012 жылы 700 км болса, 2013 жылдың қазан айында 710 км төселді, жоспарда 806 шақырым», - деп А.Жұмағалиев атап өтті.
Айта кетерлігі, жобаның жоспары бойынша арақашықтық 2 787 шақырымды құраған. Оның 2 452 км-і қайта жаңғыртуға бағытталған. Көлікдәлізін 2015 жылдың соңына дейін аяқтау жоспарланып отыр.
«Ағымдағы жылы тас жолдың 1 854 шақырымы жүзеге асырылуда. Оған: Алматы -Қорғас - 304 км, Жамбыл облысы – 79 км, Тараз-65 км. Ағымдағы жылы қосымша 100 км Ташкент-Шымкент жолының құрылысы жүргізіледі.Аталмыш жобаға 60 жолдың құрылысына 35 мың адам тартылып, 4,5 мың техника бірлігі жұмыс жасауда», - деп А. Жұмағалиев түйіндеді.
