ЖҚЖК-2020 аясында ШҚО-ның кейбір аудандарында жұмыспен қамту мәселесі 100 пайыз шешілген
«Өңірде «Жұмыспен қамтудың жол картасы - 2020» бағдарламасы белсенді жүзеге асырылуда, тұрғындарды бағдарламаның шарттарымен таныстыру жүйелі түрде жүргізілде, қатысушылар бойынша мониторинг жасалуда. Жұмыспен қамту бағыты бойынша жұмыспен қамту орталығы арқылы жетістікке Бесқарағай мен Зыряновск (100 пайыз), Зайсан (74) аудандары қол жеткізді», деп хабарлайды ШҚО-ның Жұмыспен қамтуды үйлестіру және әлеуметтік бағдарламалар басқармасының жетекшісі Айжан Садықова.
Бірінші, «Инфрақұрылымды дамыту мен тұрғын-үй коммуналдық шаруашылығы арқылы жұмыспен қамтуды қамтамасыз ету» бағыты бойынша, 474 жұмыс орнын ашып, жұмыспен қамту орталықтары арқылы 237 адамды жұмыспен қамту жоспарланып отыр.
Бағдарламаның екінші бағыты бойынша еңбек күштері шектен тыс көп аймақтардан көшіп келгендер мен мүмкіндігі шектеулі жандарды несиелендіру үшін және тұрғындарға ауыл шаруашылығы саласы бойынша қызмет көрсету мақсатында 146,8 млн теңге көлемінде арнайы квота бөлінді.
Үшінші «Оқыту мен жұмыспен қамтуға қолғабыс ету және жұмыс берушілердің сұраныстарына қарай көшіру» бағыты бойынша, әлеуметтік жұмыс орындарына 695 адам жұмысқа орналастырылып, жастар тәжірибесіне 420 адам тартылды.
