XXVIII Дүниежүзілік жазғы Универсиадада алтын және қола медальдардың рекордтық санын Қазақстандық студенттер жеңіп алды
Бұл жазғы Дүниежүзілік Универсиада тарихындағы біздің ең үздік нәтиже болып саналады. Бұған дейін ең үздік нәтиже 2007 жылы Бангкок қаласында, 5 алтын медаль алып, 11 жалпы командалық орын алған болатын.
XXVIII Дүниежүзілік жазғы Универсиадада Қазақстан қоржынына бірінші алтын медальді 2014 жылғы Азия ойындарының үш дүркін чемпионы, әл-Фараби атындағы Қазақ ұлттық университетінің студенті Дмитрий Баландин салды. Ол жүзудің 100 м брасс түрінен алтын, 50 м қола медаль алды. Дмитрий тағы бір мәрте тек Азияның ғана емес әлемнің үздік жүзушілерінің бірі екенін дәлелдеді. Осы университеттің студенті Виктория Зябкина жеңіл атлетикадан 100 м, 200 м және 4х100 м жүгіруден Юлия Рахманова, Светлана Иванчукова, Анастасия Тулапинамен бірге алтын медаль жеңіп алды. Таеквандо жарысында 58 кг салмақта М. Әуезов атындағы Оңтүстік Қазақстан мемлекеттік университетінің студенті Нурсултан Мамаев алтын алды. Алғашқы алтын медальді жеңіл атлетикадан 5,50 м биіктікке секіруден Никита Филиппов (әл-Фараби атындағы ҚазМУ) жеңіп алды.
Ойынның бірінші күні дзюдодан 70 кг салмақ дәрежесінде Жанар Қашқын үшінші орын алды. Стендке ату ойынынан қазақстандық шеберлер есебінде екі қола медаль бар. Әйелдер командалық турнирінде Әсем Орынбай, Ангелина Мищук пен Жәния Айдарханова үшінші орынды иеленді, осыған ұқсас тәртіпте ерлер арасында Андрей Фролов, Владимир Почивалов пен Александар Ещенко да осындай нәтижеге жетті.
6 алтын медальдың 5-ін әл-Фараби атындағы ҚазМУ студенттері жеңіп алды. Дүниежүзілік Универсиаданың тарихында осындай көп көлемді алтын медальдарды бір ЖОО-ның студенттері алды. Барлығы университет атынан Қазақстан құрамасына тоғыз студент кірді. Жеңімпаздарды Алматы әуежайында қоғамдық спорт мүшелері, БАҚ және студенттік жастар қарсы алды.
Осы орайда ҚазҰУ-дың халықаралық спорт аренасында Қазақстан беделін асқақтатқан саңлақ спортшылар тобын тәрбиелеп шығарғанын атап өтуге тиіспіз. Мысалы, ҚазҰУ студенттері 2014 жылы Инчхонда өткен XVII Азия ойындарында 4 алтын, екі күміс және үш қола медаль иеленді. ҚазҰУ-дың 11 студенті ел құрамасы қатарында 2012 жылы Лондон Олимпиадасына да қатысқан болатын.
