Өнеркәсіптік өнімдерінің нақты көлем индексі 100,6% құрады - ҰЭМ
13 Шілде, 2015 17:36
2015 жылғы қаңтар-маусымда 2014 жылғы ұқсас кезеңмен салыстырғанда шикі мұнай, табиғи газ және түсті металл кендерінің өндірісі өсті, деп хабарлады ҚР ҰЭМ Статистика агенттігі.
Резеңке және пластмасса бұйымдары, жеңіл өнеркәсіп өнімдері, металлургия және химия өнеркәсібі өнімдерінің өндірісі жоғарылады. Өнеркәсіптік өнімдерінің өндіріс көлемінің өсуі республиканың 8 өңірінде байқалды.
Сонымен бірге, көмір және біріктірілген темір кендерінің өндірісі төмендеді. Тамақ өнімдерінің, сусындардың, темекі, қағаз, мұнай өңдеу және машина жасау өнімдерінің өндірісі қысқарды. Төмендеу Батыс Қазақстан, Жамбыл, Қостанай, Қызылорда, Маңғыстау, Павлодар, Солтүстік Қазақстан және Шығыс Қазақстан облыстарында тіркелді.
