• Басты
  • Астанада дәстүрлі музыкаға арналған ICTM дүниежүзілік конференциясы өтеді

Астанада дәстүрлі музыкаға арналған ICTM дүниежүзілік конференциясы өтеді

13 Шілде, 2015 15:59
Астанада 2015 жылдың 6-22 шiлдесі аралығында Қазақ ұлттық өнер университетінде 43-ші Дүниежүзілік дәстүрлі музыка конференциясы (ICTM) өткізіледі.

«Алғаш рет бұл конференция Қазақстанда, жалпы ТМД-да өткізілмекші. Ол соңғы рет Қытайдың Шанхай қаласында өткен. Аталмыш халықаралық конференцияның комитеті  Астананы дәстүрлі музыканы сақтап қалуды талқылау, оның жолдарын іздестіру алаңы ретінде таңдап алды»,  деді Қазақ ұлттық өнер университетiнiң ректоры Айман Мұсаходжаева ОКҚ-да.

Оның айтуынша,Қазақстан ағымдағы жылы  70 мемлекеттен келген конференцияға қатысушы 640 ғалым мен сарапшылардың басын қосады.

«Сондай-ақ, аталған конференция бойынша материалдар, жинақтар, оқулықтар, мақалалар мен жазбалар әзiрленеді. Бiз үшiн бұл қажет. Бiз ең алдымен өз мәдениетiмiздi меңгеруіміз керек»,  деді ол.

Айта кетерлік жайт, ICTМ дүниежүзілік конференциясы 1947 жылдан бастап екі жылда бір рет өткізіліп келеді.

Анар Тәңірқұлова

Барлық жаңалықтар