• Басты
  • Ақмола облысында Сандықтау ауданы күні атап өтілді (ФОТО)
13 Шілде, 2015 19:56

Ақмола облысында Сандықтау ауданы күні атап өтілді (ФОТО)

Сандықтау ауданы жыл сайын атап өтілетін аудан жылын өткізді, деп хабарлайды Ақмола облысы Ішкі саясат басқармасының «Ақмола Медиа Орталығы».
Ақмола облысында Сандықтау ауданы күні атап өтілді (ФОТО)

Сандықтау ауданының тұрғындары 19 мың 600 адам, ауданда 13 ауылдық округ пен Мәдениет ауылы бар.

«Бүгін біздің аудан даму үстінде. Жыл сайын жаңарып, жетілудеміз. Біздің ауданымыз өзінің ауыл шаруашылығы саласымен мақтанады. Биылғы жылы бассейні бар дене шынықтыру-сауықтыру кешені салынуда. Мектептер компьютер сыныптарымен қамтамасыз етілуде. Барлық аудан тұрғындарын құттықтаймын, оларға денсаулық, жұмыста сәттілік тілеймін»,-деп құттықтады тұрғындарды аудан әкімі Асылбек Исмағамбетов.

Мерекені «Үздік киіз үй» байқауы ашты. Жеңімпаз болып Сандықтау мен Новоникольское ауылдық округтері танылды. Сонымен қатар, мұнда ауыл шаруашылығы жәрмеңкесі ұйымдастырылды. «Қазақша күрес» жарысында облыстың көптеген аудандарының палуандары мен көршілес Солтүстік Қазақстан облысынан да спортшылар келді.  Ал мерекенің көркі әдеттегісінше ат бәйгесі болды. Оған Ақмола, Солтүстік Қазақстан облыстары мен Алматы және Ақтөбе қалаларының атбегілері қатысты.  

Жарыста 1 мың 800 метр қашықтықта бәйгені Ақтөбе қаласынан келген шабандоз жеңіп алды. «Құнан бәйге» жарысында 5 км қашақтық бойынша Петропавл қаласының өкілі өзгелерден басым түсті. 2 км-ге бағытталған жарыста сандықтаулық шабандоз алдына жан салмады. Бас жүлде «Лада Гранта» автокөлігі. 5 км-ге жіберілген «Жорға жарыс» бәсекесінде Астана қаласының өкілі жеңді.   

Мерекелік шара концерттік бағдарламамен әрлендіріліп отырды.

 

 

Барлық жаңалықтар