Жас қазақстандықтардың 5 әлеуметтік жобасына «Айналаңдағы әлемді өзгерт!» байқауы аясында грант бөлінді

Хабарламада аталып өткендей, аталмыш бастама аясында Қазақстанның жас мамандарына әлеуметтік кәсіпкерлік саласында жобаларды жасақтау ұсынылды. Бизнес-жоспарларды қорғау нәтижесі бойынша шешуші кезеңге өткен 13 қатысушы өз жобаларын таныстырды.

Байқауда балалар үйінің балаларына арналған арт-мектеп, қан құрамындағы қанттың мөлшерін өлшеуге арналған GlucoWAYS технологиясы,  дәрігер мен науқастың туыстарына хабар беретін GlucoDOС бағдарламасы, аула спорт алаңдары, көкеніс пен жеміс-жидектерді өсірестін Талдықорғандағы ауыл шаруашылығы қожалығы жобалары жеңіске жетті. Жоба бойынша балалар үйінің түлектерін, қариялар мен студенттерді жұмысқа ораластыру көзделген.

Осы жобалардың барлығы жүзеге асырылу үшін гранттарға ие болды. Жобаға қатысушыларға әлеуметтік кәсіпкерлік бойынша оқуды тәмәмдағаны туралы куәліктерде берілді.

Естеріңізге сала кетейік, жоба Қазақстан мен Қырғызстанда жүзеге асырылуда. Тек Қазақстанның өзінен 19 бен 29 жас аралығындағы жастардан 270-тен астам өтініш келіп түсті. «Әлеуметтік кәсіпкерлік» бағдарламасы бойынша оқуға елімізден 15 жас маман жіберілді, олар 270 үміткердің ішінен іріктелініп алынған болатын.