Маңғыстау облысы «Bala Turkvizyon» байқауына қатысу үшін үздік әншіні анықтады (ФОТО)

Маңғыстау облысының түкпір-түкпірінен 8 бен 13 жас аралығындағы жүзге жуық қыздар мен ұлдар кастингте өз бақтарын сынауға келді.

Маңғыстау облысында өзгеше кастинг өтті, онда өздерінің жас жерлестеріне қолдау көрсетуге көптеген музыкалық, шығармашыл ұжымдар келді.

Аймақтық кастинг әділ қазыларының алдында жауапты міндет тұрды, олар көптеген талантты балалардың ішінен үздігін таңдау керек болатын. Ал, бүлдіршіндердің ішінде аты танымал, сахнаны білетін балаларда болды.

Сонымен, кастингке қатысушылардың ішінен Түпқараған ауданы  Форт-Шевченко қаласының тумасы Аружан Сағынғалиева оқ бойы озып шықты. Аружан  11 жаста, отбасында бес інісі пен әпкелері бар. Ол осымен үш жыл қатарынан вокал үйреніп келеді екен. Бұған дейін Аружан бірнеше рет республикалық деңгейдегі байқаулардың жеңімпазы атанған.

Естеріңізге сала кетейік, «Bala Turkvizyon-Қазақстанның» аймақтық кастингісінің жеңімпазы Алматыдағы жұлдызды үйге аттанады, онда ол ұлттық іріктеудің шешуші кезеңіне дайындалады.