Көкшетауда «Балғын шақ» жазғы шығармашылық алаңы ашылды (ФОТО)
13 Шілде, 2015 12:06
Ақмола облысының білім басқармасының Ақмола облыстық шығармашыл дарынды балаларға арналған оқу-әдістемелік орталығында жаз басталғалы «Балғын шақ» жазғы шығармашылық алаңы ашылды, деп хабарлады Ақмобал облысы ІСБ жанындағы «Ақмола Медиа Орталығы».
Жазғы алаңға Көкшетау қаласындағы мектеп жанындағы күндізгі лагерлердің балалары барды. Осылайша, жазғы алаң балаларға өздерінің музыкалық, зияткерлік, танымдық қабілеттерін одан ары дамытуға мүмкіндік берді.
«ООӘО қосымша білім берудің әдіскерлері мен педагогтары балалар үшін қосымша шаралар өткізуде. Мәселен, Қазақстан Республикасының Рәміздері күніне орай зияткерлік жарыс өткізілсе, Есірткімен күрес күніне орай акция, Астана күніне орай «Достар дауысы» вокал байқауы мен «Астана арман қала!» асфальтқа сурет салу конкурстары ұйымдастырылды. Жаздың соңына дейін көптеген қызықты шаралар тағы да жоспарда бар», деп атап өтті ООӘО директорының орынбасары Жанна Нұрахметова.
