ҚР МСМ министрі мен АҚШ елшісі мәдениет және өнер саласындағы ынтымақтастықты талқылады
13 Шілде, 2015 10:38
Астанада ҚР Мәдениет және спорт министрі Арыстанбек Мұхамедиұлы мен АҚШ Төтенше және Өкілетті елшісі Джордж Альберт Кролдың кездесуі өтті, деп хабарлады ҚР МСМ баспасөз қызметі.
Қазақстандық ведомство басшысы екі елдің мәдениет және өнер саласындағы ынтымақтастық деңгейінің жоғарылығын атап өтті. Қазақстандық және американдық спортшылар аталмыш елдердегі сайыстардың белсенді қатысушылары.
Дж. Крол министрді жылы қарсы алғандығы үшін және Қазақстан мен АҚШ-ты достық қарым-қатынас біріктіріп отырғандығын атап өтті. Сондай-ақ, ол қазақстандықтарды осы жылы тойланып жатқан мерекелермен құттықтап, елге табыс тіледі.
Әңгімелесу барысында екі елдің өкілдері өнер, мәдениет және спорт саласында ынтымақтастықты өзара дамыту туралы мәлімдеді.
