ҚР-ның тағы бір банкі Мемлекеттік білім беру жинақтау жүйесіне қосылды - ҚР БҒМ
13 Шілде, 2015 09:31
2015 жылдың 9 шілдесінен бастап «Нұрбанк» АҚ «Мемлекеттік білім беру жинақтау жүйесі туралы» (МБЖЖ) 2013 жылғы 14 қаңтарындағы № 67-V ҚР Заңының шеңберінде әзірленеген жаңа өнім – «Образовательный Накопительный» салымын іске қосты, деп хабарлады ҚР БҒМ.
««Нұрбанк» АҚ-ндағы білім беру жинақтау салымдарының шарттары бойынша салымның минималды бастапқы жарнасы 3 АЕК-ті (5 946 теңге) құрайды», - делінген хабарламада.
Жинақтау мерзімі ішінде салымда жинақталған сомаға 10% мөлшерде банктен сыйақы және 5%, басымдылықты санаттағы балаларға – 7% мөлшерде мемлекеттен сыйлықақы төленеді.
10 миллион теңгеге дейінгі салымдардың сақталуына Қазақстанның салымдарды кепілдендіру қоры кепілдік беретіндігін ерекше атап өткен жөн.
Салымшы оқу ақысын толық көлемде төлеуге қажетті соманың кемінде 50%-ын жинақтаған жағдайда Бағдарлама шеңберінде «Қаржы орталығы» АҚ-ның 100% кепілдігі түріндегі жеңілдетілген шарттарда білім кредитін алуға жүгіне алады.
