ОҚО-да қуаты жылына 23 тоннаны құрайтын шаруашылық сабынын шығаратын цех іске қосылады

Сайрам ауданының тұрғыны Өмірбай Тәшімбетов 2014 жылдың басында өзінің бизнесін ашып, жеке кәсіпкер ретінде тіркеліп, шарушылық сабынын шығарумен айналыспақ болады. «Халық тұтынатын тауарларға әрдайым сұраныс жоғары, оның үстіне біздің Оңтүстік Қазақстан облысы халық өте тығыз қоныстанған аймақ және ол Өзбекстанмен де шектеседі. Түрлі тауарларға деген сұраныстарды зерделей келе мен шаруашылық сабынын шығарам деген шешімге келдім. Мен жалға алатын ғимаратты да өнімге қажетті шикізаттарды да таптым, ал өнім сапалы әрі бағасы арзан болуы үшін оны дайын тауарға айналдыруға дейінгі аралықтағы жұмыстарды атқаратын мықты, ақылды құрал керек. Мұндай құрылғы Өзекстаннан табылды, ал оны сатып алуға қаржы жол болатын»,-дейді Ө.Тәшімбетов.    

«Даму» қоры кәсіпкердің бастамасын қолдап, пайыздық ставканы кепілдендіріп, субсидиялауды ұсынды, яғни несиенің пайыздық ставкасының 7 пайызын қайтарымсыз береді. Қалған 7 пайызды бизнесменнің өзі табады. Нәтижесінде, «Бизнестің жол картасы-2020» бағдарламасының аясында «Даму» кәсіпкер банктен алған 6,2 млн теңгені немесе несиенің 70 пайызын кепілдендірді. Қазіргі таңда кәсіпкер өзбектер тарапымен өзіне қажетті құрылғыны алу туралы келісім жасап, енді ол жақында шаруашылық сабынын шығару ісіне кірісетін болады.