ШЫҰ-ға мүше Мемлекет басшылары Уфа декларациясын қабылдады
Мәжіліске Қазақстан Президенті Н.Назарбаев, Ауғанстан басшысы М.Гани, Қырғызстан Президенті А.Атамбаев, Моңғолия басшысы Ц.Элбегдорж, Ресей Президенті В.Путин, Тәжікстан басшысы Э.Рахмон, Өзбекстан Президенті И.Кәрімов, ҚХР төрағасы Си Цзиньпин, Үндістан Премьер-Министрі -Н.Моди, Пәкістан басшысы Н.Шариф сонымен қатар ШЫҰ-ның Бас хатшысы Д.Мезенцев, БҰҰ Бас хатшысының саяси мәселелер жөніндегі орынбасары Дж.Фельтман, АСЕАН Бас хатшысы Ле Лыонг Мин, ШЫҰ-ның өңірлік терроризмге қарсы құрылымының Атқарушы комитетінің директоры Ч.Синьфэн.
Мәжіліске қатысушыларға қайырылған Елбасы бүкіл әлемдік қауымдастықты алаңдатып отырған жауапты кезеңде ШЫҰ қаншалықты өміршеңдігін дәлелдейтін сыни кезеңнен өтіп жатқандығын атап өтті.
«Өзінің қызметке кіріскен алғашқы күнінен бастап, шанхай үдерісі ашық, теңдестірілген көпжақты құрылым ретінде көрсетуде. Сол себепті біз Үндістан мен Пәкістанды ұйымға мүше етуге бағытталған процедураларды іске қосуды қолдаймыз. Үндістан мен Пәкістанның халықаралық беделі мен экономикалық әлеуеттері біздің ұйымымыздың болашағын үлкен үмітпен байналыстырады»,-деді Қазақстан Президенті.
Нұрсұлтан Назарбаев сөзінде ұйымның сапалы жетіліп келе жатқандығының жарқын көрінісі ШЫҰ-ның 2025 жылдарға дейінгі даму Стратегиясы болып табылатындығын атап өтті.
