• Басты
  • ҚР Құрлық әскерлерінің ең жоғары қабілетті байланыс бөлімі аталды (Фото)
10 Шілде, 2015 19:47

ҚР Құрлық әскерлерінің ең жоғары қабілетті байланыс бөлімі аталды (Фото)

Қазақстанның Құрлық әскерлерінде 2015 жылдың бірінші жартыжылдығы бойынша жауынгерлік даярлықтың қорытындысы шығарылды, деп хабарлады Қорғаныс министрлігі.
ҚР Құрлық әскерлерінің ең жоғары қабілетті байланыс бөлімі аталды (Фото)

Нәтижесінде 54380 әскери бөлімі ҚР ҚК ҚӘ байланыс бөлімдері арасында үздік деп танылды. Бөлім командирі полковник Нұрлан Таусаровтың айтуынша оқу үдерісі мен жауынгерлік даярлықтың қорытындысына оң нәтиже беруіне жаңа оқу сыныбы септігін тигізді.

Онда радиомамандарды тәжірибелі нұсқаушы ҚР Қарулы Күштерінің ардагері запастағы полковник Владимир Шихалев дайындайды.  Ең үлгілі бөліммен қатар үздік байланыс маманы да аталды. Бұл құрметті атақты взвод сержанты – 54380 әскери бөлімі байланыс батальонының бастығы аға сержант Ғазиз Сейсембеков иеленді.

«Өзінің күн сайынғы қажырлы еңбегімен ол байланысшы жауынгерлердің мерейін үстем етуде. Ғазиз – сенімді жолдас және қызметтестері үшін үлгі боларлықтай, жауынгерлік және мемлекеттік-құқықтық даярлықтың үздігі, бөлім тыныс-тіршілігінің белсенді мүшесі» - деді бөлім командирі.  Ұдайы жұмысты қорытындылау, үлгілі әскери қызметшілерді мадақтау және көтермелеу Құрлық әскерлері бөлімдерінің барлық жеке құрамының кәсіби тұрғыда өсуі үшін жақсы ынталандыру болып табылады.

 

Барлық жаңалықтар