«ҚазТрансОйл» АҚ бойынша мұнай және мұнай өнімдерін тасымалдау көлемі 24 млн 372 мың тоннаны құрады

Сонымен қатар, шоғырландырылған мұнай және мұнай өнімдерін тасымалдау мен айдаудың көлемі 31 млн 328 мың тоннаны құрады, бұл жоспарлы көрсеткіштерге қарағанда 4% артық, ал 2014 жылдың бірінші жартыжылдығындағы ұқсас көрсеткіштерге қарағанда 2%-ға төмен.

Мұнайдың жүк айналымы бөлек «ҚазТрансОйл» АҚ бойынша 18 млрд 331 млн тонна-километрді құрады, бұл жоспарлы көрсеткіштерге қарағанда 2% артық және 2014 жылдың бірінші жарты жылдығындағы ұқсас көрсеткіштерінен 2% артық.

Ал шоғырландырылған айналымы 22 млрд 872 млн тонна-километрді құрады, бұл жоспарлы көрсеткіштерге қарағанда 5%-ға артық және 2014 жылдың бірінші жартыжылдығындағы ұқсас көрсеткішінен 3% артық.

«ҚазТрансОйл» АҚ Қазақстанның Атырау және Маңғыстау облыстарының тұтынушыларына Астрахань – Маңғыстау суағызғысы арқылы жіберілген судың көлемі 11 млн 895 мың текше метр болды, бұл жоспарлы көрсеткіштерге қарағанда және 2014 жылдың бірінші жартыжылдығындағы ұқсас көрсеткіштерімен салыстырғанда 10%-ға көп.