Ақмола облысында мүгедек жан ЖҚЖК бойынша өз ісін ашты

10 Шілде, 2015 14:47

Жақсы ауданында мүгедек жан «Жұмыспен қамту жол картасы- 2020» мемлекеттік бағдарламасы аясында тігін цехын ашты, деп хабарлады Ақмола облысы ішкі саясат басқармасы жанындағы «Ақмола Медиа Орталығы».

«Асел Арыстанбекова көзіне байланысты 3 топтағы мүгедек, «ЖҚЖК-2020» бағдарламасының екінші бағыты «Ауылдағы кәсіпкерлікті дамыту арқылы жұмыс орнын ашу» бойынша 1 500 000 теңге сома несие алып, қажетті құрал-жабдықтар мен материалдар сатып алып, Жаңақима ауылында тігін цехын ашты», - делінген хабарда.

2012 жылы ол тігін цехын ашу үшін несие алу мақсатында Жақсы ауданындағы Жұмыспен қамту орталығына барған. Ондағылар оны тігіншілік курсынан өту үшін Атбасар қаласындағы №9 кәсіптік лицейге жіберген. Қайта даярлау курсынан өткеннен кейін «Кәсіпкерлік негіздері» бойынша оқыған.

«Қазір ісіміз алға басты. Клиенттеріміз де көп. Тіпті Астанадан көлік орындықтарының жамылғысын тігуге тапсырыстар түсуде. Барлығына біздің цехтың жұмысы ұнайды. Мен тігін цехын ашуыма көмегін тигізгендері үшін аталмыш бағдарламаға ризамын», - деді кәсіпкер.

Барлық жаңалықтар