Алматыда «Даму» қоры 800 млн теңгенің 12 шартына қол қойды

10 Шілде, 2015 17:38

Алматы қаласы бойынша «Даму» Қорының аймақтық филиалы ағымдағы жылдың екінші тоқсанында атқарған жұмыстарының нәтижесін қорытындылады, деп хабарлады «Даму» қоры.

«3 ай ішінде 800 млн.теңге сомаға кәсіпкерлердің несиелерін субсидиялайтын 12 шартқа қол қойылды. 240 млн.теңгені құрайтын кепілдік сомасындағы несиені кепілдендіретін 16 шарт мақұлданды», - делінген хабарламада.

Сонымен қатар, бастауыш, әрекеттегі және әлеуетті кәсіпкерлерді қаржылай емес қолдау саласында үлкен жұмыстар атқарылды.

«Даму» Қорының меншікті бағдарламасын жүзеге асыру аясында «Даму-Көмек» бағдарламасы бойынша 2015 жылдың 1 тоқсанында мүмкіндігі шектеулі 6 әрекеттегі және әлеуетті кәсіпкерлер демеушілік көмек алды. Оларға ноутбуктер сатып алып беріп, қолдау көрсеткен «Ernst & Young» ЖШС компаниясы.

Кәсіпкерлерге қызмет көрсету орталығында есеп беру кезеңінде бухгалтерлік, юриспруденция, маркетинг және кәсіпкерлікті қолдаудың мемлекеттік бағдарламалары бойынша 2 797 адамға түрлі кеңестер көрсетілді.

«Іскерлік байланыстар» жобасы - шетелдік компаниялармен ынтымақтастықты оңалтып, іскерлік байланыстар орнату жолымен қазақстандық кәсіпкерлерг еқолдау көрсетуге бағытталған. Алматы қаласы бойынша екінші тоқсанда жобаның бірінші кезеңімен экономиканың басым секторларында жұмыс істейтін 52 кәсіпкер оқыды.

«ШОБ топ-менеджментін оқыту» жобасы аясында «Назарбаев Университеті» АБҰ қаланың 45 кәсіпкері дәріс алды.