• Басты
  • Биылғы жылы Қарағанды университетінің түлектерін жұмысқа орналастыру көрсеткіші 92 % құрады

Биылғы жылы Қарағанды университетінің түлектерін жұмысқа орналастыру көрсеткіші 92 % құрады

10 Шілде, 2015 11:54
Қарағанды медициналық университетінде биылғы жылы түлектерді жұмысқа орналастыру көрсеткіші 92 % құрады, олардың арасында мемлекеттік тапсырыстар бойынша орналасқандар 100 пайыз, деді облыс әкімінің баспасөз қызметі.

Түлектер биылғы жылы «Жалпы медицина», «Стоматология», «Фармация», «Медбике ісі», «Медициналық-сауықтыру ісі», «Қоғамдық дансаулық сақтау» мамандықтары бойынша бөлінді. Көптеген облыстардың денсаулық сақтау басқармалары мен медициналық ұйымдарының мамандары Қарағандыға осы мәселемен арнайы келді. Оқу орнының түлектері медициналық ұйымдармен жасалған келісімдер негізінде жеке-жеке бөлу бойынша арнайы хаттамаларға қол қойды.   

Хабарламадан мәлім болғанындай, 2015 жылы 704 адам оқу орнын тәмәмдайды, олардың 622-і жұмысқа орналасады, олардың арасындағы 35 акушер-гинеколог пен 47 педиатр оқуларын резидентурада жалғастырады. Университет 457 дәрігер тәрбиелеп шығарса, олардың 165-і бакалавр дәрежесі бойынша білім алған. Ауылдық аймақтар квотасы бойынша 125 түлек оқуын аяқтайды.  

«Биылғы жылы оқу бітірген түлектердің жұмысқа орналасу көрсеткіші 92 % құрайды, олардың арасында мемлекеттік тапсырыспен аяқтағандар 100 пайыз. Ауылдық амбулаториялық-емханалық медицина ұйымдарына 297 дәрігер мен бакалавр дәрежесіндегілер орналастырылды. Қарағанды облысының медицина ұйымдарын тағы 209 түлек толықтырады. Қалғандары республиканың өзге аймақтарында қызмет етуді дұрыс көріп отыр»,-делінген хабарлдамада.

Барлық жаңалықтар