ІІМ министрі мен АҚШ елшісі қылмыспен күрес саласындағы ынтымақтастықты талқылады
10 Шілде, 2015 11:24
Ішкі істер министрлігінде Қазақстан Республикасының Ішкі істер министрі Қ.Н. Қасымовтың АҚШ-тың Қазақстан Республикасындағы Төтенше және Өкілетті Елшісі Джордж Кролмен кездесуі өтті, деп хабарлады ведомство.
Кездесуге қатысушылар қылмысқа, есірткіге қарсы күрес саласындағы қазақ-американдық ынтымақтастықтың жай-күйі және перспективалары туралы пікірмен алмасты, сондай-ақ екіжақты халықаралық шарттар жасасу мәселелерін талқылады.
Кездесу өзара түсіністік және конструктивті диалог атмосферасында өтті.
