ШҚО-да облыс аумағын көгалдандыру акциясы өтіп жатыр

10 Шілде, 2015 20:43

ШҚО-да Табиғи ресурстар және табиғатты пайдалануды реттеу басқармасының қолдауымен «Өзім үшін» экологиялық акциясы өтіп жатыр. Акция ағымдағы жылдың сәуір айында Өскемен, Семей, Абай аудандарында басталды, деп хабарлады облыс әкімдігінің баспасөз қызметінен.

Аталмыш акцияның мақсаты- қоғам назарын экология және облыс аумағын көгалдандыру мәселелеріне аудару.

Аумақты көгалдандыруды муниципиалды шаруашылықтар жүзеге асыруда, себебі бұл олардың қызмет ету саласы. Дегенмен адамдардың өзі де өздері тұрып жатқан жерді көгалдандыруы керектігін ұмытпағандары жөн.

Еске салсақ, «Өзім үшін» акциясының өткен кезеңінде Шығыс Қазақстан облысының аудандары мен қалаларында мыңдаған жасыл көшеттер мен тал-шыбықтар отырғызылды. Сондай-ақ санитарлық тазалау жұмыстары (сенбіліктер) мен «Қоқысты тазалау» акциясы өтті.

Аталмыш кезеңде мекемелер (ПИК), мектептер мен Өскемен және Семей қалалары тұрғындарының арасында «Біздің аула-гүлденген бақша» (ПИК) және «Экологиялық бақшаның үздік жобасы» (білім беру мекемелері арасында) аталымдары бойынша конкурс өткізу жоспарланған.

Барлық жаңалықтар