Жамбыл облысында 2013 жылы МЕҰ қаржыландыру 24 млн теңгеге өсті
21 Қазан, 2013 10:00
Жамбыл облысында 2013 жылы мемлекеттік емес ұйымдарды қаржыландыру 128 млн теңгені құрады, ол 2012 жылдың көрсеткішімен салыстырғанда 24 млн теңгеге жоғары, деп облыс әкімдігінің баспасөз қызметі хабарлады.
«МЕҰ әлеуметтік жобаларын қаржыландыру 2013 жылы 128,4 млн теңгені құрады. Оның ішінде облыстық бюджеттен 98,9 млн теңге, аудандық және қалалық бюджеттен 29,5 млн теңге бөлінді. Бұл 2012 жылдың көрсеткішімен салыстырғанда 23,6 млн теңгегег жоғары», - деп хабарламада нақтыланған.
Әкімдіктің мәліметінше, МЕҰ 72 пайызы облыста, 28 пайызы ауданда шоғырланған.
Айта кетейік, бүгінгі таңда облыста 645 мемлекеттік емес ұйым тіркелген.
