Елбасы мен ОАР Президенті ынтымақтастықты кеңейтудің қажеттілігін атады
9 Шілде, 2015 21:42
Елбасы БРИКС ұйымына мүше елдер лидерлерінің шақырылған мемлекеттер басшыларымен кездесуі аясында Оңтүстік Африка Республикасының Президенті Джейкоб Зумамен жүздесті, деп хабарлайды Ақорда баспасөз қызметі.
Кездесу барысында Н.Назарбаев пен Д.Зума саясат, сауда-экономика және инвестиция салаларындағы өзара іс-қимыл мәселелерін талқылады. Тараптар бірқатар перспективалы бағыттар бойынша, сондай-ақ халықаралық ұйымдар аясында ынтымақтастықты арттырудың қажеттілігін атап өтті.
Сонымен қатар, Қазақстан мен ОАР президенттері халықаралық күн тәртібіндегі өзекті мәселелерді әңгімеге арқау етті.
Соңында Д.Зума Нұрсұлтан Назарбаевты Оңтүстік Африка Республикасына сапармен келуге шақырды.
