Сенат ЕАЭО туралы шартқа Қырғызстанның қосылуы туралы шартты қарады
9 Шілде, 2015 17:23
Парламент Сенаты Экономикалық саясат, инновациялық даму және кәсіпкерлік комитетінде «2014 жылғы 23 желтоқсанда қол қойылған 2014 жылғы 29 мамырдағы Еуразиялық экономикалық одақ туралы шартқа Қырғыз Республикасының қосылуы туралы шартқа Армения Республикасының қосылуы туралы хаттаманы ратификациялау туралы» заң жобасы қаралды, деп хабарлады Сенат.
2014 жылғы 29 мамырдағы Еуразиялық экономикалық одақ туралы шартқа Қырғыз Республикасының қосылуы туралы 2014 жылғы 23 желтоқсанда қол қойылған шартқа Армения Республикасының қосылуы туралы хаттама 2015 жылғы 8 мамырда Мәскеу қаласында қабылданды.
Хаттама 2014 жылғы 29 мамырдағы Еуразиялық экономикалық одақ туралы шартқа Армения Республикасының қосылуы туралы 2014 жылғы 10 қазанда қол қойылған шарттың 1-бабының негізінде әзірленді.
2014 жылғы 29 мамырдағы Еуразиялық экономикалық одақ туралы шартқа Қырғыз Республикасының қосылуы туралы шарттың шеңберінде Еуразиялық экономикалық одаққа мүше мемлекеттер қол жеткізген уағдаластықтарға Арменияның қосылуы Хаттаманың негізі болып табылады.
Заң жобасы Палатаның қарауына жіберілді.
