Парижде Мемлекеттік басқару академиясының өкілдері Қазақстанның мемлекеттік сектордағы реформаларымен бөлісті
10 Шілде, 2015 09:43
Парижде Халықаралық мемлекеттік басқару қауымдастықтары мен институттарының жыл сайынғы конференциясы барысында (IASIA) ҚР Президенті жанындағы Мемлекеттік басқару академиясының ректоры Болатбек Әбдірәсілов IASIA президенті Мишель де Вримен және IASIA Бас директоры Ролет Лоретанмен кездесті, деп хабарлайды академияның баспасөз қызметі.
Конференцияның басты тақырыптары мемлекеттік секторды реформалау, этика, мемлекеттік қызметтің мәдениеті мен этикасы, мемлекеттік сектордағы көшбасшылық пен басқару мәселелері болды. Жиынға Австарлия, Бразилия, Ұлыбритания, Қытай, Сауад Арабиясы, АҚШ, Франция елдерінің үкіметтері мен мемлекеттік органдарының мүшелері және жетекші оқу орталықтарының өкілдері қатысты.
Сонымен қатар, онда мемлекеттік қызметтегі адам ресурстарын басқару, білім беру және тренинг бағдарламаларының қазіргі заманғы жүйесінің жолдарын жетілдіру, қызметтерді сәтті жүзеге асыру үшін мемлекеттік қызметкерлердің біліктіліктерін жетілдіру сияқты өзге де бірқатар мәселелер сөз болды.
