ҚР ИДМ ЕАЭО елдерінен автокөліктерді әкелуді лицензиялау тәртібін түсіндірді

9 Шілде, 2015 16:08

ҚР инвестиция және даму министрлігінің машина жасау басқармасының басшысы Серік Рахымов брифинг барысында Қазақстанның инвестиция және даму министрлігінің Еуразиялық экономикалық одақ елдерінен әвтокөліктерді әкелуді лицензиялауды реттеуге бағытталған 2015 жылғы 24 сәуірдегі №481 бұйрығын түсіндірді.

«Біріншіден, бұйрықтың жүк, жеңіл көліктер мен автобустарға қатысты екенін атап өткен жөн. Үшінші елдерден келетін импорт бұйрықпен реттелмеген. Ол тек ЕАЭО елдері үшін ғана қолданылады. Жаңалық тек заңды тұлғаларға қатысты. Ал басқа өз қажеттіліктері үшін көлік сатып алушыларға бұл рәсімнің қажеті жоқ», - деп түсіндірді С.Рахымов.

Еске салсақ, Қазақстанда 2015 жылдың 24 сәуірінен бастап Қазақстан Республикасы инвестиция және даму министрінің «Жеке тұлғалар кәсіпкерлік қызмет мақсатынсыз әкелетін көлік құралдарын қоспағанда, Еуразиялық экономикалық одақ елдерінің аумағынан әкелуге қатысты ерекше құқық берілетін тауарлардың жекелеген түрлерінің тізбесін бекіту туралы» №481 бұйрығы күшіне енді.

«ҚР-дағы автокөлік нарығының қазіргі жағдайы сервистік желілерінің жеткілікті түрде дамымауымен сипатталады. Автоорталықтыр мен сервистік станцияларды ұйымдастыруға инвестициялар тарту керек. Лицензиялаудағы мақсат көлік нарығын шектеу емес, тұтынушыларды көлік құралдарын жосықсыз жеткізушілерден қорғау, ҚР-дағы автокөлік сату саласы мен сервисінде өндірушілердің ресми өкілдері ғана кепілдік бере алатын сапаның жоғары стандарттарын қамтамасыз ету», - деп атап өтті ведомствода.

Ал, лицензияны ҚР инвестиция және даму министрлігінің индустриалды даму және өнеркәсіптік қауіпсіздік комитеті ғана бере алады

Ботагөз Айтжанова