• Басты
  • 2014 жылы еліміздің кәсіпкер әйелдері шағын және орта бизнес саласындағы жұмыс орындарының 30 пайызын ашты

2014 жылы еліміздің кәсіпкер әйелдері шағын және орта бизнес саласындағы жұмыс орындарының 30 пайызын ашты

9 Шілде, 2015 13:41
2014 жылы әйел кәсіпкерлер 795 жұмыс орнын ашты, бұл шағын және орта бизнес бойынша ашылған жұмыс орындарының 30 пайызы, деді Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссия мүшесі, әлеуметтану ғылымының докторы Раушан Сәрсембаева ОКҚ-де өткен баспасөз мәслихатында.

«Нұрлы жол  - болашаққа бастар жол» бағдарламасы мен 5 институционалды реформаны жүзеге асыруға бағытталған «100 нақты қадам» Ұлт жоспарын әйел азаматтардың қатысуынсыз жүзеге асыру мүмкін емес, әсіресе  экономикада. Бүгінгі таңда шағын және орта бизнес саласының келбеті әйел азамат екендігін сенімді түрде мәлімдеуге болады. Әлсіз жандардың соңғы онжылдықта кәсіпкерлік саласына үдере көшуін мамандар «үнсіз революция» деп атап жүр. Қазақстандықтарда таңдау көп, ол жалданып жұмыс істе немесе өз ісіңді баста. Әйелдер болса ұдайы екінші бағытты таңдайды»,-деді ол ОКҚ-де.   

Р.Сәрсембаеваның сөзінше, 2014 жылы әйел кәсіпкерлер 795 жұмыс орнын ашты, бұл шағын және орта бизнестегі жұмыс орындарының 30 пайызы.

«Соңғы уақытта шағын және орта бизнес саласына әсіресе әйел азаматтар тың серпін беріп отыр. Шағын және орта бизнес субъектілерінің 41,5 пайызын әйелдер басқарады. 52 мыңнан астам қазақстандық әйелдер бизнесті қолдауға бағытталған мемлекеттік бағдарламаларға қатысуда»,-деді Іскер әйелдер қауымдастығының президенті.  

Ол сөзінде сонымен қатар, Қазақстанда бизнесті несиелендірудің керемет жүйесі қалыптасқан, ол 6 пайыздық көрсеткішпен 10 жылды қамтитындығын атап өтті. Мұндай шарттар бұрын елде болмаған. Бұл Қазақстанда кәсіпкерлікпен әйел азаматтардың айналысуларына жаңа, тың серпін беріп отыр. «Нұрлы жол» бағдарламасын жүзеге асыру барысында жаңа жұмыс орындары ашылады, өз кезегінде ол елде жұмыссыздықтың төмендеп, тұрғындардың әл-ауқаттарының артуына жол ашады.    

Анар Тәңірқұлова

   

 

Барлық жаңалықтар