Р. Сәрсембаева: ҚР кәсіпкерлердің құқықтарын қорғайтын омбудсмен керек

9 Шілде, 2015 13:26

Қазақстанда кәсіпкерлердің құқықтарын қорғайтын омбудсмен институтын жүзеге асыруды бастау керек, деді Іскер әйелдер қауымдастығының президенті, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссия мүшесі, әлеуметтану ғылымының докторы Раушан Сәрсембаева ОКҚ-де өткен баспасөз мәслихатында.

«Кәсіпкерлердің құқықтары мен олардың мүдделерін қорғауды қолдайтын тетіктердің жоқтығы бүгінгі таңдағы ең өзекті мәселелердің бірі және оны мүмкіндігінше, жедел шешу қажет. «100 нақты қадам» Ұлт жоспарында кәсіпкерлердің құқықтарын қорғайтын омбудсмен институтын нашу қажеттігі айқын көрсетілген. Оны тек жарнамалап қана қоймай, жүзеге асыру қажет»,-деді Р.Сәрсембаева.

Оның сөзінше, Қазақстанда мараторий шексіз бола бермейді, сондықтан кәсіпкерлердің құқықтарын қорғайтын жүйелі тетік қажет.

«Біз әйел кәсіпкерлер аталмыш институт Ұлттық кәсіпкерлер палатасының қатысуымен жақын арада іске қосылады деген ойдамыз. Кәсіпкерлердің кемшілігін тауып, оларға қатысты бірден қылмыстық немесе әкімшілік іс қозғау саясаты өзге деңгейге ауыстырылып, мысалы ескерту жасалатын болады. Бұл кәсіпккерлер заңды бұзды деген сөз емес, оларды оқытып, білмегендерін түсіндіру керек, бұл шара тіпті өз ісін ерекше таза атқаратын азаматтарды анықтауға мүмкіндік береді. Егер кәсіпкерлерге деген қарым-қатынас дұрыс қолса, кәсіпкерлер де дұрыс жұмыс істеуге тырысады. Меніңше, бұл институты іске қосу керек»,-деді ол.

Оның айтуынша, 2014 жылдың 2-сәуірінен 2015 жылдың 1-қаңтарына дейін созылған мараторий бизнес үшін қолдаудың қаншалықты қажет екендігін көрсетті. Бұл ретте қолдау тек қаржы жағынан ғана емес, өз ісіңді ыңғайлы жүргізу үшін де керек.

Анар Тәңірқұлова

Барлық жаңалықтар