ҚР Үкіметі АӨК мен ауылдық аумақтарды дамытуды мемлекеттік реттеу туралы заңға өзгеріс енгізуді ұсынды

«Агроөнеркәсіп кешені мен ауылдық аумақтарды реттеу бөлімі бойынша «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Заңына суармалы жерлердің мелиорация жағдайын бағалау және мемлекеттік мониторинг жүргізу мақсатында өзгеріс енгізіледі, ол ауыл шаруашылық егістігін әртараптандыруға және суды үнемдейтін суару жүйесін енгізуге ықпал етеді», - деді ҚР энергетика министрінің орынбасары Талғат Ахсамбиев таныстырылым барысында. 

Оған қоса ауаның ластануын төмендету бойынша ҚР Экологиялық кодексіне, «Жер қойнауы және жер қойнауын пайдалану туралы» Заңына өзгеріс енгізіледі.

«Тәжірибеде жиі қолданылатын, бірақ заң аясында нақты анықтамаға ие болмаған бірқатар базалық терминдерді енгізу мақсатында. Екіншіден - қоршаған ортаны қорғау саласында уәкілетті органның құзырлығын кеңейту, үшіншіден - есептілік мониторинг жүйесін түзету, булы газ шығарылымына квота бөлуді жетілдіру», - деп толықтырды вице-министр. 

Сонымен, «жасыл экономикаға» байланысты заң жобасындағы өзгерістер 10 заңнамалық актілерге де қатысты болып отыр.

Ботагөз Айтжанова