Г.Әбдіқалықова: «Мерейлі отбасы» - мемлекеттің неке және отбасы институтын нығайту мен қоғамда рухани-адамгершілік тәрбие жүргізудің көрсеткіші

Мемлекеттік хатшы «Қазақстанда Мемлекет басшысының бастамасымен тағайындалған «Мерейлі отбасы» ұлттық байқауы мемлекеттің неке және отбасы институтын нығайту, қоғамда рухани-адамгершілік тәрбие жүргізу мәселелеріне мүдделі екенін, сондықтан байқаудың сапалы жоғары ұйымдастырушылық деңгейде өтуі үшін орталық және жергілікті органдардың іс-қимылын өзара үйлестіру, байқауды кең ауқымды ақпараттық сүйемелдеуді қамтамасыз ету қажет» деді.

Бүгінгі таңда «Мерейлі отбасы» ұлттық байқауының республикалық кезеңін дайындау және ақпараттық жарықтандыру бойынша Іс-шаралар жоспары бекітілді.

Өңірлердегі байқау қорытындылары көрсеткендей, 2015 жылы «Мерейлі отбасы» ұлттық байқауына қатысушы отбасылар саны 1,7 есеге (2015ж.-2285, 2014ж.-1298) артты. Барлық қатысушылардың жалпы санының 77%-тен астамын (1767) ауылдық жерлерде тұратын отбасылар құрайды (2014 ж.-16%, 209 отбасы).

Өткен жылмен салыстырғанда көпбалалы отбасылар екі есеге, жас отбасылар бір жарым есеге көп қатысты. 319 отбасылық еңбек әулеті, 19 этнос жан-жақты көрсетілді.

Бұл отбасылардың басты құндылығы – патриоттық сезім, үлкенге деген құрмет пен ізгілікке негізделген рухани-адамгершілік құндылықтарды сақтау және  ұрпақтан ұрпаққа жеткізу болып табылады. Бұл отбасылардың әрбір өкілі – еңбек адамы, ауылдың немесе қаланың қарапайым еңбеккері.

Қорытындысында Г.Н.Әбдіқалықова «Мерейлі отбасы» лауреаты атағы үшін смс және Интернет арқылы дауыс беруді өткізудің барлық ұйымдастырушылық мәселелерін сапалы түрде пысықтау қажеттігін атап өтті, сондай-ақ мүдделі мемлекеттік органдарға бірқатар нақты тапсырмалар берді.