2015 жылдың бірінші жартыжылдығында өткізілген ауыл шаруашылығы өніміне баға 1,8%-ға төмендеді
9 Шілде, 2015 15:37
Ағымдағы жылғы маусымда 2014 жылғы желтоқсанмен салыстырғанда, ауылшаруашылық құрылымдары өткізген мал шаруашылығы өнімі 1,6%-ға арзандады, ал өсімдік шаруашылығы өнімі 0,3%-ға қымбаттады, деп хабарлады ҚР ҰЭМ Статистика комитеті.
Ағымдағы жылғы қаңтар-маусымда баға күрішке 2,4%, арпаға - 1,6%, сұлыға - 1,3%, қара бидайға - 1,2%, бидайға - 1%, жүгеріге - 0,2%-ға өсті, ал тарыға 2%-ға төмендеді.
Картоп 3,1%, асханалық қызылша - 0,1%-ға арзандады, ал қырыққабат 3,4%, асханалық сәбіз - 1,2%, басты пияз - 0,2%-ға қымбаттады. Баға өсімі бұршаққа 4%, күнбағыс тұқымына - 2,1%-ды құрады.Баға шошқа етіне 5,5%, құс етіне - 3,9%, жылқы етіне - 0,7%-ға төмендеді, ал қой етіне 1,6%, ірі қара мал етіне - 0,3%-ға өсті. Жұмыртқа 25,1%, шикі сүт - 8,3%, бал - 0,2%-ға арзандады, ал қой жүні 7,2%-ға қымбаттады.
