• Главная
  • ЖЖИ республикалық слетіне өңірлік жарыстардың 180 жеңімпазы қатысады
9 июля, 2015 14:32

ЖЖИ республикалық слетіне өңірлік жарыстардың 180 жеңімпазы қатысады

Қостанай облысында ағымдағы жылдың 10-19 шілдесі аралығында Ғ.Байтасов атындағы жол қозғалысының жас инспекторларының республикалық слеті өтеді, оған Қазақстанның өңірлік жарыстарының жеңімпаздары, Ресей Федерациясы мен Қырғызстаннан өкілдер қатысады.
ЖЖИ республикалық слетіне өңірлік жарыстардың 180 жеңімпазы қатысады

Слетті ұйымдастырушылар  ҚР ІІМ әкімшілік полициясы комитеті, «Жұлдыз» балалар қоғамдық ұйымының одағы» Қоғамдық бірлестігі және Қостанай облысының әкімдігі.   Ұйымдастырушылардың айтуынша, ЖЖИ слеті балалардың жол-көлік жарақатының алдын алу, балалар мен жасөспірімдер арасында Жол қозғалысы ережесенің бұзылуына мүлдем төзбеушілікті қалыптастыру мақсатында өткізіліп жатыр. 

Слет «Мерей» республикалық балалар демалыс кешенінің базасында өтеді.

«Үздік жас инспекторлар жиналып, бір апта бойы «Жол қозғалысы ережесін білу», «Жас реттеуші», «Қауіпсіз доңғалақ», «ЖЖИ жасағының жас командирі», «Жас үгітшілер», «Жас санитарлар», «Жас тілші», «Үгіт бригадасының конкурсы», «Менің жасағым», «Саптық байқау» конкурстары бойынша бақтарын сынайды. Конкурс қорытындысы бойынша 2015 жылғы Қазақстандағы ең мықты ЖЖИ командалары анықталады», - делінген хабарда. 

Сонымен қатар, слетті өткізу бағдарламасында жарыстан басқа көптеген қызықты шаралар, конкурстар, экскурсиялар мен кездесулер бар.