Мәскеуде ШЫҰ-на мүше мемлекеттердің денсаулық сақтау жүйелерін реформалауға қатысты хаттамаға қол қойылды

8 Шілде, 2015 20:51

Шанхай ынтымақтастық ұйымына (ШЫҰ) мүше мемлекеттердің Денсаулық сақтау министрлерінің кеңесінде Мәскеуде тұрғындардың денсаулықтарын қорғау мәселесі талқыланды, деп хабарлайды Денсаулық сақтау және әлеуметтік даму министрлігі.

Жиынға ұйымға мүше елдердің құзырлы министрліктерінің өкілдері қатысты. Онда тұрғындардың денсаулықтарын қорғау бойынша көпжақты ынтымақтастықты қалыптастыру мен болашақта оны дамыту мәселелері сөз болды.

Тараптар ортақ шекараның болуы, ұйымға мүше мемлекеттердің арасында көлік байланысы мен көші-қон ағыны ШЫҰ-на мүше мемлекеттердің тұрғындарының денсаулықтарын сақтау бойынша бірлескен, үйлестірілген кешенді шаралар қолдануға мәжбүрлеуде. Халықаралық ұйымға мүше елдердің министрлерінің қорытынды мәлімдемелері бойынша осы бағыттағы болашақ қадамдар нақтыланды.

Жиын соңында Денсаулық сақтау министрлері хаттамаға қол қойып, онда тұрғындардың денсаулықтарын қорғау мақсатында денсаулық сақтау саласына реформа жүргізіле берілетіндігі, осы саладағы заңнамалар жөнінен тәжірибе алмасылып, алдыңғы қатарлы тәжірибе алмасылмақ. Сондай-ақ осы мәселелер бойынша түрлі семинарлар мен конференциялар және өзге де жиындар өткізілмек.

Өзбек тарапы келесі жиынды 2016 жылдың бірінші жартысында өз елдерінде өткізуді ұсынды.

Барлық жаңалықтар